Diplomoi gjenerata e 39-të e Policisë së Kosovës

nga elbasi.. Sat Dec 05, 2009 11:19 am

Pas një trajnimi të modifikuar 12 javor në QKSPEZH diplomoi gjenerata e 39-të e zyrtarëve të rinj të Policisë së Kosovës. Kjo gjeneratë numëron 70 pjesëtarë, të cilët u trajnuan me plan-programin e dizajnuar në bazë të standardeve ndërkombëtare për të drejtat e njeriut dhe sundim të ligjit.

Diplomoi gjenerata e 39-të e Policisë së Kosovës IMG_0214

Diplomoi gjenerata e 39-të e Policisë së Kosovës IMG_0214

Në ceremoni të diplomimit morën pjesë zëvendësdrejtori i DPPK-së Riza Shillova, nënkolonel Driton Zabërgja, u.d i drejtor të Drejtorisë për Përkrahje Programore Ali Bajgora, Shërbimi Korrektues i Kosovës, Dogana e Kosovës, përfaqësues nga EULEX-i, si dhe familjarë të diplomuarve.
Zëvendësdrejtori i DPPK-së, Riza Shillova, vlerësoi se edukimi dhe zhvillimi luajnë rol të rëndësishëm në formimin e kuadrit profesional dhe kërkoi përkushtimin maksimal nga kjo gjeneratë në zbatimin e ligjit të Kosovës.
Ndërsa u.d i drejtorit të Departamentit për Përkrahje Programore në QKSPEZH, z. Ali Bajgora theksoi se: “dita e sotme po shënon edhe një sukses madhor që po kurorëzohet si rezultat i angazhimit të institucioneve të Republikës së Kosovës, në veçanti i Ministrisë së Punëve të Brendshme, Policisë së Kosovës, Qendrës së Kosovës për Siguri Publike, Edukim dhe Zhvillim, bashkërisht me institucionet dhe organizmat ndërkombëtarë në sferën e sigurisë publike”.
Ndërsa, zëdhënësi i gjeneratës së 39-të të policisë, Shemsi Demolli, tha se “do të japim maksimumin në përkushtimin tonë, që t’i mbrojmë të drejtat e qytetarëve, pa dallim etnie, race apo gjinie, duke u bazuar dhe zbatuar me përpikëri ligjet e Republikës së Kosovës”.
Pas shpërndarjes së diplomave, kapitenët e klasave dorëzuan flamujt të cilët simbolizonin të arriturat akademike, disiplinën si dhe arritjet në të gjitha lëmenjtë gjatë 3 mujorit të trajnimit. Këta flamuj iu dorëzuan drejtorit të Drejtorisë për Trajnime Mandatore, nënkolonel Driton Zabërgja, thuhet në njoftimin e Zyrës për komunikim publik të Ministrisë së Punëve të Brendshme të Kosovës.