LDD e Llukarit kthehet në LDK?

nga *lissa* Fri Dec 18, 2009 10:29 am

Zyrtarët e lartë të LDK-së kanë theksuar se në
20-vjetorin e partisë do të ketë aktivitete të ndryshme ku sipas tyre
ku ceremonisë i bashkëngjitet, Hafiz Krasniqi, kryetar i nëndegës së
LDD-së në Llukar, i cili ka kaluar së bashku me anëtarësinë e kësaj
nëndege në LDK.

Krasniqi të premten ka deklaruar se, “LDD-ja që ka qenë pjesë e ndarë
nga trungu i saj dhe LDK-ja, prandaj do të ishte e rendit dhe e rrugës
që të ishte e djathtë”. Ndërsa më parë radhëve të LDK-së i është
bashkangjitur edhe Berim Ramosaj.

Ndërsa, nëpërmjet kryetarit të pesë degëve organizative të LDD-së Musli
Mehaj, Lidhja Demokratike e Dardanisë hodhi poshtë pohimet e LDK-së se
gjëja një nëndegë e LDD-së ka kaluar në LDK.

“Lidhja Demokratike e Dardanisë i hedh poshtë pretendimet e thëna ne
konferencën e sotme për media të LDK-së se kinse një nëndege e partisë
tonë ka kaluar ne tërësi ne LDK. Mund të bëhet fjalë për kalime të
individëve të caktuar nga LDD në LDK por assesi për kalimin e
tërësishëm të degës apo nëndegës në këtë subjekt politik”, thuhet në
reagimin e kësaj partie.