Kosova në rrugën e integrimeve evropiane

Kosova në rrugën e integrimeve evropiane


Pavarësia
e Kosovës është proces i pakthyeshëm dhe se tashmë Kosova është në
rrugëtim drejt anëtarësimit në Bashkimin Evropian dhe strukturat e
tjera euroatlantike, ka thënë të premten ambasadorja e SHBA-ve në OKB,
Rosemary DiCarlo, gjatë mbledhjes së Këshillit të Sigurimit, cili
diskutoi mbi raportin e sekretarit të përgjithshëm, Ban Ki-moon për
gjendjen në Kosovë në tre muajt e fundit.



DiCarlo ka
përshëndetur progresin e arritur në Kosovë, ndërsa ka shtuar se SHBA-të
mbështesin përpjekjet e të gjithëve për t’u integruar në Evropë dhe në
të gjitha strukturat euroatlantike.
Ambasadorja amerikane ka vlerësuar zgjedhjet lokale të 15 nëntorit
në Kosovë, si dhe formimin e komunave të reja serbe dhe atyre që janë
në proces të formimit. Megjithatë, ajo tërhoqi vërejtjen se strukturat
paralele serbe në veri vazhdojnë të kërcënojnë stabilitetin e Kosovës.
Ndryshe nga disa vende që se kanë njohur ende Kosovën, të cilët i
janë drejtuar përfaqësuesit të Kosovës Skender Hysenit me “zotëri
Hyseni” përfaqësuesi francez, ai britanik, amerikan etj., gjatë
mbledhjes së Këshillit të Sigurimit, e kanë theksuar funksionin e tij
të plotë si ministër i Jashtëm i Republikës së Kosovës.