Këshilla e Ibni Kudames

Shkruar nga Ibn Kudame el Makdesi

Pregaditi:Fitim Ismaili
Disa vëllezër të dashur më kanë kërkuar të shkruaj një këshillë.Në fillim nuk e bëra këtë gjë, sepse e di më së miri se unë nuk jam këshillues ndaj vetvetes në rradhë të parë dhe për më tepër, nuk i kam kryer ato që duhet ti kryej.Më pas mendova ti përgjigjem kërkesës.

Dije, Allahu të mëshiroftë, se kjo botë është fusha ku mbillet për botën tjetër. Vendi ku bëhet tregti për ti marrë fitimet e Ahiretit, është vendi ku mund të furnizohesh me mallin e duhur.

Një asket dhe adhurues i njohur nga Kufa, i njohur me emrin Ibrahim et Tejmiu ka thënë:”Parafytyrova veten në Xhennet duke ngrënë prej frutave të tij, duke përqafuar vajzat e bukura dhe duke shijuar begatitë e shumta.Pyeta veten:”Çfarë do të dëshiroja?Thashë:”Të kthehem në Dynja dhe të shtoj veprat e mira me të cilat arrita këto begati.
Më pas përfytyrova veten në Zjarr, duke u djegur, duke vjellë zorrët e barkut nga uji i vluar dhe duke ngrënë prej pemës së Zekumit.Pyeta veten:” :”Çfarë do të dëshiroja?Thashë:”Të kthehem në Dynja që të punoj mirë e të shpëtoj nga ky dënim.Pastaj thashë:O vetja ime, ja ku je tek dëshira jote, prandaj puno!”

Ndërsa dikush prej të parëve tanë kishte hapur një varr (gropë) për veten e kur ndjente se ishte ftohur dëshira për vepra të mira futej në atë gropë dhe i fliste vetes.O vetja ime, përfytyro sikur vdiqe e u shtrive në varr, çfarë do të dëshiroje?-Të ktheheshe në dynja e të shtoje veprat e mira.Ja , tek e ke mundësinë prandaj çohu dhe puno vepra të mira.

Prandaj shfrytëzoje jetën tënde të shtrenjtë për punë të mira, Allahu të mëshiroftë.Kushtoj vëmendje kohës dhe çasteve të saj.
(Prandaj dikush prej të parëve tanë ka thënë:”Koha është sikur shpata, nëse nuk e merr të presh me të ajo të pret ty” shënim im F.Ismaili)
Koha e jetës tënde është e kufizuar, frymëmarrjet tua janë të numëruara, çdo frymëmarrje që kalon është një pjesë e jotja, jeta është e shkurtër dhe ajo që ka mbetur është më pak se ajo që ka kaluar.

Prandaj çdo çast që të ka mbetur, për ty është një xhevahir i çmuar, i pashembullt dhe i pazëvendësuar.Nëse do ta krahasoje këtë jetë të shkurtër me përjetësinë që të pret do ta kuptoje se çdo frymëmarrje është më e vlefshme se 1000 vjet begati e papërfytyrueshme, ose e kundërta e saj.
Prandaj mos i ço dëm xhevahirët e jetës tënde, duke i kaluar çastet e jetës pa vepra të mira.Kjo gjë do të ishte njësoj si të ndërroje xhevahiret me diçka të pavlerë.Andaj kujdesu që çastet e jetës ti mbushësh me bindje ndaj Allahut, ose me punë që të afrojnë tek Ai.

Dikush prej nëpunësve të Umer ibn Abdulazizit iu ankua për punën e rëndë që bënte në shërbim të muslimanëve.Umer ibn Abdulazizi i shkroi një letër ku i kthente përgjigje e i thonte:
“O vëllai im!Kujto pagjumësinë e banorëve të Zjarrit në Zjarr dhe faktin që ata janë përjetësisht në të.Ki kujdes dhe mundohu për veten tënde se mos rruga jote nga qëndrimi para Allahut përfundon për në Zjarr.E kjo do të ishte atëherë e pashmangshme dhe do ta këpuste çdo shpresë të mirë.Kur nëpunësi i tij e lexoi mesazhin, morri rrugën, kaloi vende të tëra derisa arriti tek Umeri.Kur e pa Umeri i habitur e pyeti:”Çfarë të ka sjellë këtu?”Tha:”Ma shkule zemrën me fjalët e tua.
As për ty spunoj dotë më, e as për dikë pas teje”.

Ibn Kudame El Makdesiu
....vazhdon inshaAllah

var jcomments=new JComments(167, 'com_content','http://radio-pendimi.info/pendimi/index.php?option=com_jcomments&tmpl=component');
jcomments.setList('comments-list');