LDK-ja bëhet me 33 deputetë?

nga *lissa* Sat Jan 30, 2010 9:06 am

Grupi Parlamentar
i LDK-së është fuqizuar nga 26 deputetë në 33, duke e zvogëluar
distancën në tre vetë, në raport me partnerin e saj të koalicionit,
PDK-në, që tani ka 36. Grupi parlamentar i LDK-së, siç raporton e
përditshmja “Bota sot”, hyn në koalicion me Grupin parlamentar për
integrim, i formuar të premten në Kuvendin e Kosovës.

Nënkryetari
i LDK-së, njëherësh kryetar i Grupit parlamentar të kësaj partie, Lutfi
Haziri shprehu optimizmin se me këtë koalicion të ri LDK-ja po
fuqizohet shumë dhe kjo fuqi e re do të reflektojë edhe në
institucione, ku do të ketë mundësi të reja edhe për partnerët
minoritarë – sipas parimit të planit gjithëpërfshirës, që tani më –
sipas tij – është edhe obligim kushtetues, edhe në Kuvend, edhe në
qeveri edhe në pushtet lokal.
Një synim të tillë e shprehën edhe deputetët minoritarë, të cilët e përbëjnë këtë grup serbët, boshnjakët dhe të tjerë.
Grupin e ri parlamentar e përbëjnë këta deputetë: Danush Ademi, pa
grup parlamentar, Branislav Grbic, pa grup (tash kryetar), Dragisa
Miric, Mihajlo Scepanovic, Vezira Emrush, Numan Balic SDA, Vladimir
Todorovic.
Aktualisht grupi i tretë parlamentar në Kuvendin e Kosovës është ai
i AAK-së që ka 13 deputetë, ndërsa pasohet nga ai i AKR-së me 10, dhe
po me 10 deputetë është edhe grupi i LDD-së. Të paktën edhe 5 deputet
vazhdojnë të mos kenë grup parlamentar. /BS/