Ministrat-deputetë ta ndjekin shembullin e Thaçit

nga *lissa* Tue Feb 16, 2010 9:46 am

Ministrat-deputetë ta ndjekin shembullin e Thaçit

Kosova ka arritur suksese të mëdha në dy vjetet e para të
pavarësisë, ka thënë pas mbledhjes së Kryesisë së Kuvendit të Kosovës,
kryeparlamentari Jakup Krasniqi. Krasniqi, ndryshe ka kërkuar që edhe
ministrat e Qeverisë së Kosovës ta ndjekin shembullin e kryeministrit
Hashim Thaçi për të dhënë dorëheqje nga posti i deputetit.

Ministrat-deputetë ta ndjekin shembullin e Thaçit F.0216164750748_m

Ministrat-deputetë ta ndjekin shembullin e Thaçit F.0216164750748_m

Kryetari i Kuvendit të Kosovës Jakup Krasniqi tha se Kosova për dy
vjet pavarësi ka arritur sukses të madh si në vend ashtu edhe në skenën
ndërkombëtare. Ai tha se sukseset e arritura nuk duhet t’i atribuohen
vetëm institucioneve por edhe qytetarëve të vendit.
“Unë i vlerësoi dy vitet e pavarësisë si një sukses të madh jo vetëm
të institucioneve, por mbi të gjitha një sukses të gjithë qytetarëve të
Kosovës, sepse në fund të fundit Kosova ka subjektivitetin dhe
integritetin e vet edhe kombëtar edhe ndërkombëtar”, tha Krasniqi.
Kryeparlamentari Krasniqi pas mbledhjes së kryesisë së Kuvendit ka
vlerësuar lartë vendimin e kryeministrit Hashim Thaçi për largim nga
posti i deputetit. Krasniqi kërkoi që një gjë të tillë ta bëjnë edhe
ministrat që e mbajnë edhe më postin e deputetit.
“Unë konsideroj se jo për deputet por për ministra deputet,
konsideroj që vërtet ata duhet ta ndjekin këtë shembull të mirë dhe e
vlerësoj si veprim”, tha Krasniqi.
Kryesia e Kuvendit në mbledhjen e vet ka shqyrtuar ndarjen e mjeteve
financiare për partitë politike, dhe grupet parlamentare dhe
rekomandimin e komisionit të kontrollit financiar për një kontroll në
zyrën e auditorit të përgjithshëm.