Thaçi me tre ministra në mbështetje të Mustafës

nga Mc-LiNdY Tue Mar 09, 2010 2:48 pm

Gjilan, 9 mars - Kreu i PDK-së, Hashim Thaçi, Fatmir Limaj, Arsim Bajrami, Enver Hoxhaj dhe nënkryetari i AKR-së, Ibrahim Makolli, të martën mbrëma në Gjilan, kanë mbështetur kandidatin e tyre për kryetar të Gjilanit, Qemajl Mustafa. Lideri i partisë dhe kryeministër i vendit, Hashim Thaçi, ka thënë se Mustafa është fitues i sigurtë, sepse të gjitha projektet që ka realizuar i ka bërë në mënyrë perfekte. Thaçi ka thënë se edhe në mandatin katërvjeçar “do ta ketë mbështetjen time,
mbështetjen e Qeverisë dhe secili projekt i tij do të kalojë e do të realizohet”.
Ndërsa, Fatmir Limaj, nënkryetar i PDK-së dhe ministër i MTPT-së, ka thënë se nuk ka ardhur në Gjilan që t`u themi votoni Qemajl Mustafën, sepse ky është biri juaj dhe e njihni më mirë se ne, por jemi këtu që t`ju themi se Qemajl Mustafa e ka pas dhe e ka mbështetjen tonë të plotë për punën që ka bërë dhe do ta bëjë në të ardhmën. Sipas Limajt, Mustafa është ndër kryetarët e rrallë për aftësitë e tij menaxhuese, të bashkëpunimit, të intuitës për t`i bashkuar njerëzit dhe përr këtë arsye Gjilani është i vogël për Qemajl Mustafën. Në përgjigjjen e kundërkandidatit për zbritjen e
qeverisë në Gjilan për ta mbështetë Qemajl Mustafën, Limaj ka thënë se "vetëm njeriu i mirë ka bashkëpunëtorë shumë". Limaj ka shtuar se vetëm për dy vite në Gjilan, qeveria në krye me Hashim Thaçin ka investuar mbi 20 milion euro, ndërsa për 8 vite nga nomenkluatura e vjetër politike janë investuarvetëm 6 milion euro.
Ndërsa, Qemajl Mustafa, kandidat i PDK-së për kryetar të Gjilanit, ka thënë se demokracia nuk është e lehtë për ta prodhuar. Procesi i rivotimit në Gjilan është një moment i rëndë, sepse krijon shumë shpenzime dhe na merr shumë kohë, ndërsa ishte i domosdoshëm, sepse do të ndodhë e njejta formulë- ai që ka humb në të parën, në të dytën do të humb larg më shumë edhe në herën e tretë. Asnjë përgjigje tjetër Fatmir Rexhepi nuk do të merr pos si në Prizren dhe Lipjan, ka thënë Mustafa. Me këto rizgjedhje, ka shtuar Mustafa, kemi mësuar shumë, kemi mësuar se si nuk e kemi një ligj si duhet - KZAP-i jo profesional, gjygjtarët jo bash engjuj. Kjo, sipas Mustafës, i shkakton dëm shoqërisë sonë. Për këto dy vite kemi punuar mjaft, edhe këto ditë jemi duke punuar, për katër vitet e ardhshme do të punojmë shumë më shumë, prandaj nuk dyshojm fare se do të jemi fitues të dinjitetshëm, është shprehur Mustafa.