Londra kerkon "progres politik" mes Serbise dhe Kosoves.

nga blina-- Tue Dec 08, 2009 2:19 am


Londra kërkon “progres politik” mes Serbisë dhe Kosovës

Shefi i Këshillit për Politikë të Jashtme të Parlamentit britanik, Michael Gapes, pas takimit me ministrin e Jashtëm serb Vuk Jeremiq, ka folur hapur për dallimet midis Londrës dhe Beogradit për Kosovën, përkatësisht edhe për një problem rajonal, i cili, sipas tij, duhet patjetër të zgjidhet para integrimit evropian të Ballkanit Perëndimor.

“Britania e ka njohur Kosovën siç e kanë bërë këtë deri më tash gjithsej 63 shtete. Natyrisht para Gjykatës Ndërkombëtare të Drejtësisë po zhvillohet procesi për ligjshmërinë e shpalljes së njëanshme të pavarësisë së Kosovës dhe duhet të presim rezultatin e këtij procesi. Mirëpo, është me rëndësi që ndërkohë të bëhet progres politik midis Serbisë dhe Kosovës, por duhet të zgjidhen edhe disa çështje të brendshme në Kosovë”, është shprehur Gapes për BBC-në në gjuhën serbe.