Dy të vdekur nga përplasja e veturave

Dy të vdekur nga përplasja e veturave


Në një
aksident të rëndë trafiku të hënën në mëngjes ka vdekur vozitësi i
automjetit një 42 vjeçar si dhe bashkudhëtari i tij 44 vjeçar, ndërsa
lëndime të rënda trupore kanë pësuar edhe dy bashkudhëtarë. Të
lënduarit fillimisht janë dërguar në Qendrën Emergjente në Gjilan e
pastaj në QKUK në Prishtinë.



Policia e Gjilanit thotë se aksidenti ka ndodhur rreth orës 07:20 në
rrugën magjistrale Gjilan-Ferizaj në mes të fshatrave Partesh dhe
Budrik e epërme.

Vozitësja e veturës së markës Golf II me targa vendore, V.E. 25 vjeçare
me vendbanim në Gjilan, duke e drejtuar automjetin në fjalë në
drejtimin Gjilan-Ferizaj, me të mbërritur në mes të fshatrave Partesh
dhe Budrik e Epërme, përplaset direkt me automjetin "Renault", po ashtu
me targa vendore, në të cilin ndodheshin katër persona dhe vinin nga
drejtimi i kundërt.

Mjeku kujdestar ka konstatuar se si pasojë e këtij aksidenti nga
lëndimet e marra në vendin e ngjarjes kanë vdekur vozitësi i automjetit
"Renault" 42 vjeçar si dhe bashkudhëtari i tij 44 vjeçar, ndërsa
lëndime të rënda trupore pësojnë edhe dy bashkudhëtarë që ndodheshin me
ta.

Në vendin e ngjarjes ka dalë edhe prokurorit i Qarkut dhe me urdhër tij
kufomat janë dërguar në Institutin e Mjekësisë Ligjore në Prishtinë.
Hetimet rreth këtij rasti të rëndë fatal është duke i zhvilluar njësia
e veçantë për hetimin e aksidenteve nga Trafiku Rajonal i Gjilanit.
/qik/