Guttenberg në ofensivë pas akuzave

Guttenberg në ofensivë pas akuzave


Pas akuzave
të rënda në skandalin e sulmit ajror të Kundusit, ministri gjerman i
Mbrojtjes Karl-Theodor zu Guttenberg është hedhur në kundërsulm. Ai
rikujtoi kritikët e tij nga opozita se qysh në fillim të nëntorit ata
kanë qenë në dijeni të detajeve të sulmit ajror të shtatorit.



“Më 6 nëntor unë kam informuar edhe vetë grupet parlamentare mbi kreun
ushtarak dhe se edhe talibanët do të ishin objektiv i bombardimeve”,
tha Guttenberg.

Akuza për mashtrim dhe heshtje mbi faktet rëndon pra njëlloj edhe mbi
opozitën, u shpreh ministri. Njëkohësisht ai mbrojti vendimin për
shkarkimin e inspektorit të përgjithshëm Wolfgang Schneiderhan dhe
sekretarit të shtetit Peter Wichert.

Të dy janë fajtorë për mosdhënien në kohë Guttenbergut të dokumenteve
të rëndësishme. Kjo është arsye e mjaftueshme, u shpreh Guttenberg në
kanalin e parë televiziv gjerman. Socialdemokratët, ekologjistët dhe e
majta kërkuan sërish një deklaratë qeveritare nga kancelarja Angela
Merkel. /DW/