Shtabi i Spahiut ankohet për falsifikime nga ana e PDK-së

nga *lissa* Wed Dec 16, 2009 12:36 pm

Shtabi zgjedhor i kandidatit të koalicionit AKR-LDD për
kryetar të Mitrovicës, Nexhmedin Spahiut, nëpërmjet një komunikatë për
media ka reaguar ndaj falsifikimeve të procesverbaleve që, sipas këtij
shtabi, kanë ndodhur në Mitrovicë.

Shtabi i Spahiut ankohet për falsifikime nga ana e PDK-së F.1216173425556_m

Shtabi i Spahiut ankohet për falsifikime nga ana e PDK-së F.1216173425556_m

Shtabi i Spahiut pretendon se është falsifikuar procesverbali i
zgjedhjeve në Tunel të Parë të Mitrovicës. “Në pikën 1116/02R, në
Tunelin e Parë në Mitrovicë, është falsifikuar procesverbali.
Procesverbali origjinal përmban një diferencë të thellë në numrin e
votave në favor të Nexhmedin Spahiut karshi kandidatit të PDK.
Procesverbali i prezantuar para KQZ-së u ka ndërruar vendin këtyre
rezultateve, duke i shënuar numrin e votave të Nexhmedin Spahiut Avni
Kastratit dhe anasjelltas”, thuhet në komunikatë.

Procesverbali, sipas shtabit të Spahiut, është falsifikuar nga kryetari
i komisionit në pikën 1116/02R, Lavdim Musa, djali i kolonel Emin
Musës.

Po ashtu, siç thuhet më tej në komunikatë, në rezultatin preliminar
janë bërë disa gabime teknike që kanë ndryshuar rezultatin në favor të
Avni Kastratit. “Shtabi zgjedhor i Nexhmedin Spahiut i është drejtuar
KZAP-it që këto gjëra të përmirësohen para certifikimit të rezultateve.
Me këto ndryshime të pritshme, numri i votave me kusht e përcakton
fituesin e garës zgjedhore në Mitrovicë”, përfundon komunikata.