Në rajonin e Ferizajt gripi i derrave ka filluar të trajtohet si gripi sezonal

nga d.jeta Thu Dec 17, 2009 4:53 am

Në rajonin e Ferizajt gripi i derrave ka filluar të trajtohet si gripi sezonal

Epidemia e gripit të derrave e cila është prezente edhe në rajonin e Ferizajt, por sipas mjekëve dhe epidemiologëve, tek pacientët që janë paraqitur për ndihmë mjekësore janë vërejtur simptome të formave më të lehta të këtij virusi.
Instituti Rajonal për Mbrojtjen e Shëndetit public, ka njoftuar se që nga fillimi i muajit dhjetor janë identifikuar 12 raste,por mjekët e këtij Instituti dyshojnë se ky numër është shumë madh.
Sipas Dr. Sylejman Topallit, Epidemilog shumë qytetarë nuk janë paraqitur tek mjeku sepse po e kalojnë gripin në forma më të lehta.

Edhe në qendrën kryesore të mjekësisë familjare thonë se ditëve të fundit ka pasur numër mjaft të madh të pacientëve me shenja gripoze dhe trajtimi i tyre është duke u bërë me terapitë e nevojshme për rastet më të lehta.
Dr. Nadire Ymeri, Kryeshefe e QKMF-së, ka thënë se rastet më të rënda po dërgohen për në Prishtinë për shkak edhe të vonesave të analizave të mostrave të marra.

Gjatë javës së parë të dhjetorit në Qendrën e vaksinimit patën arritur 250 doza të vaksinës të virusit AH1N1, por interesimi i qytetarëve për ta marrë vaksinën ka qenë shumë i pakët, për të mos thënë fare.
Mjekët e shërbimit të vaksinimit thonë se deri më tani kanë dhënë vetëm 9 vaksina kundër gripit të derrave, ndërsa rreth 240 doza të tjera janë në dispozicion për t’i marrë ata që duan.
Me përhapjen e virusit në masë kaq të madhe, mjekët e Institutit Rajonal për Shëndet Publik, dyshojë se kjo vaksinë mund të jetë shumë efikase në mbrojte nga gripi i derrave.