TMAB ua uron besimtarëve Muajin e Shenjtë të Muatemit

nga *lissa* Sat Dec 19, 2009 8:21 am

Teqeja e Madhe Autoqefale Ballkanike, me selitë në
Gjakovë e Prizren, ua uron të gjithë besimtarëve fillimin e Muajit të
Shenjtë të Muatemit (Muharremit).

“TMAB iu dëshiron të gjithë besimtarëve durim dhe përkushtim të thellë,
në këtë muaj të solidarizimit dhe përkujtimit të sakrificës së madhe të
Ehli-Bejtit (Familjes së Shenjtë të Profetit Muhamed A.S.) dhe të
mbështetësve dhe besimtarëve të vërtetë të tyre, në luftën e
përgjakshme të Qerbelasë”, thuhet në urimin e nënshkruar nga sheh Musa
Shehu, postmbajtës i Teqesë së Madhe Autoqefale Ballkanike.

“Ky muaj i madhërishëm, na kujton përherë ngadhënjimin e së mirës ndaj
të keqes, ngadhënjimin e besimtarëve të vërtetë ndaj jobesimtarëve dhe
armiqve të Familjes së Profetit Muhamed A.S. – Ehli-Bejtit, në luftën e
gjatë e të mundimshme, pesëmbëdhjetë shekuj më parë. Duke i uruar të
gjithë besimtarët dhe vëllezërit e motrat e rrugës së shenjtë të
Ehli-Bejtit, TMAB i dëshiron mbarësi, paqe e dashuri, me besim të
palëkundur ndaj Zotit të Gjithëfuqishëm, mbarë njerëzimit”, theksohet
më tej në urim.