Kujdes çfarë kafe e pini pasdite

Kafja e pasdites mund të jetë shkaktar i futjes së një sasie të madhe të kalorive, kështu ata që kanë nevojë për kafen e pasdites që ta ngritin energjinë duhet që të kujdesen që kjo ‘kënaqësi’ mos t’ua rrisë peshën trupore
Hulumtimi i zhvilluar nga departamenti i shëndetësisë në qytetin e Nju-Jorkut, është kryer në kafene dhe ai ka treguar se kafja e zezë, kafja me qumësht apo sheqer, apo te dyja, kanë mesatarisht 63 kalori. Por, llojet e ndryshme të kafeve dhe pijeve nga kafja me shije të ndryshme që ofrohen në treg, dhe të cilët përmbajnë qumësht të sheqerosur, akullore dhe përbërës tjerë, shpesh kanë deri në katër herë më shumë kalori-rreth 239, përkatësisht 12 përqind të ushqimit mesatar prej 2.000 kalorive. Filxhani i madh me kafe të këtillë në një vend të shitjes kishte përmbajtur madje 860 kalori. ‘Popullariteti i pijes së kafes viteve të fundit është rritur’, pohoi përgjegjësi i departamentit të qytetit të Nju-Jork-ut, Thomas Farley. ‘Për fat të keq, shumë pije të këtilla janë të stërmbushura me kalori, që do të thotë se kjo pije që do të duhej që ta ngrit energjinë, ajo e ngrit edhe treguesin në peshore’, tha ai. Anketa e cila është publikuar në magazinën online ‘Preventing Chronic Disease’ përfshiu rreth 3.000 blerje në 115 kafene dhe restorante në këtë qytet. Hulumtimi i tregut ka treguar se gati 20 përqind të amerikanëve të rritur pinë së paku një kafe ose ndonjë produkt të kafes në ditë. Por, të gjitha këto pije përmbajnë shumë kalori. Kafja e thjeshtë e zier apo çaji ka vetëm 10 kalori. Që të zvogëlohet futja e kalorive, dhe me këtë edhe rreziku për trashje, departamenti i këtij qyteti propozon që të porositet dhe të konsumohet më pak pije e këtillë me qumësht, si dhe t’u largoheni kafeve ‘me shije’.