GoOogle

Google nis versionin eksperimental të shërbimit të ri
Google nis versionin eksperimental të shërbimit të ri




Të mërkurën është lëshuar në internet versioni eksperimental i shërbimit Google Wave, i cili kombinon postën elektronike, porositë e çastit dhe rregullimin e përmbajtjes sipas pamjes së Wikipedias. Google shpreson se ky shërbim do të transformojë mënyrën se si njerëzit komunikojnë nëpërmes internetit.Wave do të jetë i hapur për 100.000 përdorues të ftuar, derisa secili prej tyre do të jetë në gjendje të thërras edhe pesë persona tjerë.

Shërbimi i ri është i hapur për integrim të aplikacioneve të cilat i zhvillojnë programuesit e pavarur, njofton transmetuesi britanik BBC.

Programuesi Lars Rasmussen, i cili qëndron prapa Wave së bashku me vëllain e tij Jens, thotë se shërbimi i ri është “mjet për komunikim dhe bashkëpunim".

Ai ka theksuar faktin se posta elektronike ende mbetet mjet themelor për komunikim në interneti, edhe pse bëhet fjalë për një teknologji e cila tashmë i ka bërë 20 vjet.

Shërbimi i ri mundëson që përdoruesit të shohin se si bashkëbiseduesi i tyre shkruan porosinë dhe formulojnë përgjigjen para se pyetja të përfundojë.

Rasmussen thotë se është i vetëdijshëm se ky opsion mund të tregohet bezdisëse për dikë, por përmend se kjo do të mundësojë kursimin domethënës të kohës.

Programuesit janë duke punuar edhe në çaktivizimin e opsionit të leximit të porosive të tjerëve derisa ato shkruhen.

Wave mundëson edhe shkëmbimin e lehtësuar të fotografive, të cilat thjeshtë “tërhiqen” nga desktopi në platformën Wave.