Re: Rajon

nga *lissa* Sun Nov 29, 2009 8:12 am

Berisha: Bëra detyrën time morale

Kryeministri i Shqipërisë, Sali Berisha ka dalë të dielën në një konferencë për shtyp për të sqaruar arsyet e shtyrjes së Kongresit të Partisë Demokratike, ndërsa iu përgjigj pyetjeve të gazetarëve në lidhje me akuzat që Berisha i drejtori kreu të PS-së pak ditë më parë në Kuvend.
“Kam bërë detyrën time kam mbrojtur luftën kundra dhunës në familje”, i është përgjigjur Berisha pyetjes së gazetarëve.

“Unë gjykoj se qëndrimi im është një detyrim madhor moral e nënës se vajzës e gruas shqiptare, absolutisht nuk ka dhe nuk mund të ketë qëllim tjetër zëri im nuk mund të heshte për akte të tilla. Bëhet fjalë për aktet më makabre i dënueshëm në të gjithë botën.
Ata që pretendojnë privatizim në plazhe publike ata tallen. Kam bërë detyrën time kam mbrojtur luftën kundra dhunës në familje dhe do ta mbroj”, u shpreh Berisha.

Më tej Berisha ka akuzuar Ramën si kryemafiozin e Tiranës. Gjatë fjalës së tij Berisha deklaroi se i ka bërë ofertë të sinqertë opozitës për bashkëpunim.

“Opozitës i kemi bërë ofertën tonë shumë të ndershme por kam bindjen më të madhe se teza ‘s’na duhen ndërkombëtarët se do qeverisim vetë’ në një kohë kur po të mos votonin 27 ndërkombëtar nuk do ishim kandidatë ndërkohë që është ëndërr për 94 për qind e qytetarëve që mezi presin heqjen e vizave”, tha Berisha.

“Rama çdo javë më bënte kërkesa të reja dhe unë nuk ja zgjidhja jo se nuk mundesha por se nuk doja sepse ai do të gjente sërish kërkesa të tjera për të mos hyrë në zgjedhje” u shpreh Berisha.

Në lidhje me kërkesën e opozitës për hapjen e kutive Berisha u shpreh se do të respektojë Kushtetutën.

Qëllimi i konferencës së kryeministrit Berisha ka qenë lajmërimi për shtyrjen e Kongresit të Partisë Demokratike për në 14 dhjetor. Shkak sipas kreut të qeverisë është bërë vizita që ai do të kryejë në Vatikan për të takuar Papa Benediktin e XVI.

nga *lissa* Sun Nov 29, 2009 8:12 am

Plan për njehsimin e diplomave në universitetet shqipfolëse

Autoritetet zyrtare të arsimit në Tiranë kanë nisur përpjekjet për njehsimin e diplomave për universitetet shqipfolëse në Shqipëri, Maqedoni e Kosovë. Hapi shihet me efekt në gjallërimin e tregut të punës.
Ditët e fundit qeveria në Tirane prezantoi publikisht nismën për njehsimin e diplomave në universitetet shqipfolëse, në tre shtetet e rajonit, në Shqipëri, Maqedoni e Kosovë. Ministria e Arsimit dhe Shkencës në Tiranë ka nisur hartimin e një platforme bashkëpunuese me institucionet përkatëse të të dyja vendeve, për ta konkretizuar projektin.

Në fillim të kësaj jave, Prof.dr Dhori Kule- rektor i Universitetit të Tiranës, njëherit president i Rrjetit të Universiteteve Shqipfolëse- ka pasur kontaktet me homologët e tij në Universitetin e Tetovës dhe atë të Prishtinës. Ai thotë se është një projekt në kohën e duhur, në kuadër të proceseve integruese, ku janë përfshirë vendet e rajonit. Të gjithë e dimë se në ka fushë dhe shërbim, që integrohet para të tjerëve, ajo është arsimi.

"Do të fillojmë procedurat për unifikimin e standardizimin e kurikulave në universitetet tona. Në mënyrë që studentët tanë të lëvizin lirshëm nëpër to. Sikurse e kërkon dhe Karta e Bolonjës, ku mobiliteti i studentëve është tipar karakteristik. Dhe ne këtë mobilitet duhet ta materializojmë në radhë të parë midis universiteteve tona, pra brenda Shqipërisë me Kosovën e Maqedoninë".

nga *lissa* Sun Nov 29, 2009 8:13 am

Ina Rama paditet nga një ish-prokuror

Prokurorja e Përgjithshme, Ina Rama, është paditur sërish, kësaj here nga një koleg i saj. Bëhet fjalë për ish-prokurorin e Kurbimit, Tom Dedaj, i cili ka dërguar një padi civile pranë Gjykatës së Tiranës ndaj kryeprokurores, pas shkarkimit nga puna.
Me anë të padisë, Dedaj kërkon gjithashtu shpalljen si të pavlefshëm dhe të një urdhri të firmosur nga drejtuesi i Prokurorisë së Kurbinit për ndërprerjen e pagës, si dhe urdhrin mbi bazën e të cilit është vendosur fillimi i ndjekjes penale ndaj tij.

Prokurori Dedaj u shkarkua nga detyra afro dy muaj më parë, pasi konstatimit të disa shkeljeve në dosjet e tij. Ish-prokurori nuk është paraqitur në asnjë mbledhje të Këshillit të Prokurorisë, pasi i ka cilësuar veprimet e tij si të paligjshme dhe jotransparente.

nga *lissa* Sun Nov 29, 2009 8:14 am

Meta, homazhe në Varrezat e Dëshmoreve

Zëvendëskryeministri dhe ministri i Jashtëm i Shqipërisë, Ilir Meta, ka kryer paraditen e sotme homazhe në Varrezat e Dëshmoreve.
Pasi ka vendosur lule ne monumentin “Nënë Shqipëri”, Meta ka vlerësuar kontributin e shqiptarëve që dhanë jetën për çlirimin e vendit.

“Nderim për ata që dhanë jetën për lirinë e vendit”, është shprehur Meta.

Me pas ai ka folur edhe për akuzat e ndërsjellat Berisha-Rama.

“Edi Rama të heqë dorë nga etiketimet personale. Sjelljet destruktive nuk i shërbejnë vendit”, ka theksuar zëvendëskryeministri.

nga *lissa* Sun Nov 29, 2009 8:14 am

Tirana për të pestin vit feston ndryshe 29 Nëntorin

Dita e Çlirimit, për të pestin vit radhazi në kryeqytetin e vendit do të festohet ndryshe.
Me rastin e Natës së Bardhë, për ditën e diel, sot Bashkia e Tiranës ka planifikuar një sërë aktivitetesh, ku pjesëmarrës do të jenë grupmosha të ndryshme.

Bashkia ka parashikuar bashkëpunim të ngushtë me njësitë tregtare të të gjitha llojeve, ndërkohë që qarkullimi rrugor do të jetë i bllokuar në qendër dhe në rrugët kryesore.

Nga statistikat e mëparshme rezulton se gjatë Natës së Bardhë, nëpër rrugët e kryeqytetit qarkullojnë më shumë se 500 mijë persona, të cilët janë padyshim edhe vizitorë nga qytete të tjera të vendit.

Në programin e Natës së Bardhë do të ketë këngë partizane, filma me temë patriotike dhe shumë koncerte muzikore

nga *lissa* Sun Dec 06, 2009 11:46 am

Maqedoni: Shtyhet afati për ndërrimin e letërnjoftimeve

Ministria e Punëve të Brendshme e ka pranuar nismën e Avokatit të Popullit për shtyrjen e afatit për ndërrimin e letërnjoftimeve të vjetra me të reja. MPB propozoi që afati i letërnjoftimeve të vjetra të shtyhet deri në vitin 2012, përveç rasteve kur skadon afati i letërnjoftimit, i cili është shënuar në dokumentin e identifikimit.
Për qytetarët, letërnjoftimet e të cilëve do të skadojnë në ndërkohë, dhe të cilët nuk kanë arritur në kohë të aplikojnë, do të ketë termine speciale.

Në takim është vendosur që personat mbi 80 vje të mos jenë të detyruar personalisht të vijnë në ndërtesat administrative të policisë për të aplikuar për dokumente personale, por aplikimi të bëhet përmes pikave mobile, respektivisht përmes kontakteve direkte dhe vizitave nëpër shtëpi për personat e moshuar,e të pamundur ose personat me hendikap.

Prej MPB sqarojnë se personat me invaliditet nuk janë të detyruar që të ardhur personalisht për të aplikuar, por mjafton të paraqiten me telefon në polici dhe të kërkojnë të vizitohen nga ekipet mobile.

nga *lissa* Sun Dec 06, 2009 11:46 am

Meta: 8 dhjetori rënia e “Murit të Berlinit” në Shqipëri

Zv/kryeministri dhe ministri i Jashtëm, Ilir Meta e ka cilësuar si ditën e rënies së Murit të Berlinit në Shqipëri, 8 dhjetorin e vitit 1990, kur një grup studentësh e pedagogësh të Universiteteve të Tiranës u bënë iniciatorë e protagonistë të protestave paqësore që sollën rënien e komunizmit dhe lindjen e demokracisë në vend.
“Mendoj se është mëse legjitime që sot të gjithë shqiptarët të bashkohen në 8 dhjetor që të përmbushin dhe stadin e fundit të ëndrrës së studentëve, integrimin e vendit në BE”, tha të dielën Meta në një konferencë për shtyp në Ministrinë e Jashtme.

Ai vuri në dukje se Shqipëria ka qenë vendi më i izoluar i Evropës. Sot, tha ndër të tjera, Meta, Shqipëria është transformuar në një vend anëtar të NATO-s, kur më parë ishte simbol i bunkereve, Bashkimi Evropian ka pranuar kërkesën për anëtarësimin e saj në këtë organizëm dhe është drejt liberalizimit të vizave me vendet e BE-së.

Më 8 dhjetor 1990, një grup studentësh e pedagogësh të Universiteteve të Tiranës, banorë të qytetit “Studenti”, u bënë iniciatorë e protagonistë të kthesës së madhe historike: protestave paqësore që sollën rënien e komunizmit dhe lindjen e demokracisë.

Akti i tyre publik, sa qytetar aq edhe politik, i dha fund në mënyrë paqësore epokës të gjatë të vetëizolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur. 8 Dhjetori është shpallur dita e Rinisë dhe Pluralizmit nga Kuvendi i Shqipërisë.

nga *lissa* Sun Dec 06, 2009 11:47 am

BDI dhe PDSH deklarohen rreth 7 dhjetorit

Dy partitë më të mëdha shqiptare në Maqedoni, BDI dhe PDSH analizojnë situatën dhe zhvillimet e fundit prej të cilave varet perspektiva euroatlantike e Maqedonisë. Faktori politik shqiptar parashikon rrjedhën e zhvillimeve para dhe pas 7 dhjetorit, kur edhe pritet që Brukseli të vendos se do ti jap apo jo datën për fillimin e negociatave Maqedonisë.
Partia shqiptare në pushtet BDI është optimiste se nuk do të ndodhë vetoja e dytë. Shpresojnë se do të ketë lajme të mira nga Brukseli dhe se Greqia do të tregoj konstruktivitet.

“Do të zhvillohen dy procese paralele rreth mënyrës së gjetjes së zgjidhjes përfundimtare. Njëri kompromis që të mos përsëritet Bukureshti 2008, kurse për dallim nga ajo, në vazhdim dhe pas 7 shatorit, Maqedonia dhe Greqia t angazhohen që në një afat të caktuar të gjejnë një zgjidhje të qëndrueshme për çështjen e emrit”, ka theksuar deputeti i BDI-së Talat Xhaferi.

Ndërkaq, lideri i Partisë Demokratike Shqiptare, Menduh Thaçi ka porositur udhëheqësinë maqedonase që të heqë dorë nga antikvizicioni i cili i irriton Grekët. Ai ka theksuar se nëse për një kohë të shkurtër nuk zgjidhet çështja e emrit, mund të ketë tensione ndëretnike.

"Kompromisi sipas meje është që kryeministri do të japë garanci të fuqishme në qendrat vendimmarrëse në botë se do të ndryshojë emrin, identitetin e vet dhe më në fund do të pranojnë se maqedonasit janë sllavë dhe se nuk kanë asgjë të përbashkët me antikën, dhe se Maqedonia mund të vazhdojë të ndërtohet vetëm si shumetnike, pasi në të kundërtën, tendenca që të ndërtohet mbi baza etnike, është e pashpresë ", ka deklaruar Thaçi

Sipas sondazheve të realizuara nga organizata të ndryshme, 95 për qind e shqiptarëve në Maqedoni e mbështesin anëtarësimin e vendit në NATO dhe Bashkim Evropian.

nga *lissa* Sun Dec 06, 2009 11:48 am

Rama-Meta, bashkë në kongresin e PSE-së

Kreu i opozitës, Edi Rama, dhe zëvendëskryeministri Ilir Meta do të jenë nesër bashkë në Pragë të Çekisë, ku do të marrin pjesë në punimet e kongresit të socialistëve evropianë.
Të dy ish-aleatët që tashmë qëndrojnë në politikë përballë njëri-tjetrit, janë ftuar nga homologët e tyre evropianë të PSE-së, të jenë të pranishëm në aktivitetin e tyre më të rëndësishëm që i zhvillon punimet një herë në dy vjet.

Megjithatë, ky eveniment i së majtës evropiane nuk pritet të sjellë ndonjë rezultat konkret në marrëdhëniet mes dy ish-aleatëve, pasi siç bëjnë të ditur përfaqësuesit e PSSH-së vizita atje është programuar për të vënë në dijeni socialistët e BE-së me zhvillimet politike në Shqipëri, si dhe për qëndrimin refuzues që po mban qeveria e djathtë e kryesuar nga Berisha, ku Meta është pjesë, lidhur me kërkesën e opozitës për të hetuar zgjedhjet parlamentare të 28 qershorit.

nga *lissa* Sun Dec 06, 2009 11:48 am

Berisha: Më 8 dhjetor, të gjithë në shesh

Kryesia e Partisë Demokratike e Tiranës është mbledhur të dielën për të diskutuar mbi organizimin e festimeve që do të zhvillohen më 8 dhjetor në sheshin “Skënderbej” në Tiranë.
Partia Demokratike fton të gjithë shqiptarët për të festuar 19-vjetorin e rrëzimit të komunizmit dhe arritjet e deritanishme të vendit në arenën ndërkombëtare. Vetë kryetari i PD-së, njëkohësisht kryeministër Sali Berisha nga podiumi i kësaj kryesie ftoi të gjithë qytetarët të festojnë 8 dhjetorin, “ditën që ndau epokën për shqiptarët”- siç e cilësoi Berisha.

“Më 8 dhjetor – tha Berisha- të mblidhemi të gjithë në sheshin “Skënderbej” për të nderuar të rinjtë të cilët u përballën në rrugët e kryeqytetit me diktaturën më të egër që Evropa kish njohur ndonjëherë.”

Kryetari i PD-së tha se më 8 dhjetor 1990 u shemb muri i Berlinit në Tiranë. “Ftoj të gjithë shqiptarët pavarësisht nga bindjet partiake që i besojnë pluralizmit dhe që ëndrra më e bukur është familja evropiane, të bashkohemi në sheshin “Skënderbej” për të festuar një ditë ndër më të mëdhatë në historinë e kombit tonë”

Kreu i qeverisë vuri në dukje se këtë 8 dhjetor shqiptarët e festojnë më krenarë se kurrë, e festojmë si anëtarë të NATO-s, si një vend për të cilin Bashkimi Evropian ka firmosur kërkesën për anëtarësim në këtë organizëm, e festojnë në prag të liberalizimit të lëvizjes së lirë në mbarë Evropën.

Për të kujtuar lëvizjen studentore të dhjetorit 1990 janë parashikuar të gjithë elementët e një feste madhështore. Kënga, ndriçimi, fishekzjarrët janë pjesë të dekorit të kësaj feste, me të cilën partia e mazhorancës do t’i krijojë një imazh tjetër sheshit “Skënderbej”, përkundër imazhit të protestave të opozitës.

Grupe të njohur këngëtarësh mes të cilëve edhe finlandezët e “Sunrise Avenue” do të ngjiten në skenë për t’i dhënë më tepër gjallëri festës së demokratëve. Bëhet e ditur se në këtë festë të 8 dhjetorit janë ftuar të gjithë, duke pasur parasysh këtu themeluesit e dikurshëm, anëtarët e PD-së, simpatizantët e saj.

nga *lissa* Fri Dec 18, 2009 10:40 am

Maqedoni: Trafiku zhvillohet pa probleme të mëdha

Bora që ra mbrëmë tash për tash nuk e pengon qarkullimin ndërurban, hekurudhor dhe ajror në Maqedoni.

Rajon - Faqe 2 F.1218105511912_m

Nga Lidhja Auto Moto e Maqedonisë informojnë se për shkak të reshjeve
të borës, qarkullim të vështirësuar ka në të gjitha viset malore në
vend, si dhe ndalesë për lëvizje për automjetet transportuese në aksin
rrugor Krak-Mavrovë-Dibër.

Shikueshmëria është e mirë me përjashtim në aksin rrugor Shtip-Negotinë
(P107) ku për shkak të mjegullës është zvogëluar deri në 50 metra.

Në akset rrugore tjera magjistrale dhe rajonale trafiku zhvillohet nëpër rrugë të lagështa dhe në kushte dimri.

Transporti ndërurban me autobusë zhvillohet normalisht, me vonesa të
vogla prej pesë deri dhjetë minuta, komunikojnë nga Stacioni ndërurban
i autobusëve.

Nuk ka probleme në zhvillimin e avio-qarkullimit në aeroportet në Shkup
dhe në Ohër "Aleksandri i Madh" dhe "Shën Apostol Pavli".

Zhvillohet në mënyrë të rregullt edhe qarkullimi hekurudhor, ndërsa
vonesa ka vetëm në qarkullimin e trenit ndërkombëtar Beograd-Selanik.

nga *lissa* Fri Dec 18, 2009 10:42 am

Durrës, gjenden pa jetë dy foshnja binjake

Ditën e djeshme dy foshnje janë gjetur të pajeta në
banesën e tyre. Ngjarja ka ndodhur në fshatin Fllak, Katund Ri, të
qytetit të Durrësit, ndërsa dyshohet që vdekja mund t’ju ketë ardhur si
pasojë e helmimit.

Foshnjat e pajeta, një djalë dhe një vajzë janë gjetur nga nëna e tyre,
ndërsa hetuesit kanë deklaruar që foshnjat kishin shkumë nga goja.
Binjakët janë me inicialet M.V dhe B.V.

Binjakët rreth tetë muajsh, do ti nënshtrohen autopsisë për të zbuluar
shkaqet e vërteta të ngjarjes. Gjithashtu mësohet se binjakët ishin të
prekur nga një grip i lehtë, por nuk kishin temperaturë.

Ngjarja e rëndë është bërë publike vetëm sot, ndërsa policia,
prokuroria dhe mjekët nuk japin asnjë shkak të saktë për vdekjen e
tyre. Deri në daljen e autopsisë e cila do të vërtetojë shkaqet e
vdekjes.

Nëna e tyre ka deklaruar se bebet ishin vaksinuar kundër gripit pesë
ditë më parë, ndërsa pohon që janë ushqyer edhe me qumësht rreth orës
20:00 dhe me pas rreth orës 2:30 te mëngjesit i ka gjetur te vdekura.

Sipas informacioneve të policisë nuk dihet nëse qumështi ka qenë artificial apo qumësht gjiri

nga *lissa* Fri Dec 18, 2009 10:43 am

Britania: Moszgjidhja e krizës pasoja për Shqipërinë

Vijimi i krizës mund të ketë pasoja për Shqipërinë, ndaj
palët politike duhet të gjejnë rrugën e dialogut. Kështu ka deklaruar
zëvendës-ambasadorja britanike në Tiranë, Elisabeth Evans.

Ky apeli i radhës që vjen në drejtim të politikës në Tiranë, apel i
cili deri më tani duket se nuk ka gjetur terren, teksa opozita vijon
protestat e saj në rrugë.

“Duhet dialog për të zgjidhur krizën politike. Kjo situatë mund të nxjerrë nga binarët demokracinë”, u shpreh Evans.

Diplomatja britanike ka ofruar mbështetjen e vendit të saj ndaj Shqipërisë në rrugën e integrimit.

nga *lissa* Fri Dec 18, 2009 10:44 am

Pyetësori i KE, reduktohen pushimet dhe udhëtimet e administratës

Përgatitja e përgjigjeve për pyetësorin që Bashkimi
Evropian i ka dërguar Shqipërisë do të kthehet në një stres të vërtetë
për administratën, pasi punonjësit duhet reduktojnë pushimet si dhe të
harrojnë udhëtimet, qofshin këto edhe për arsye profesionale.

Ministri, Dritan Prifti pasi ka mbledhur drejtuesit kryesorë të këtij
dikasteri, i ka komunikuar urdhrin se brenda tre mujash, i gjithë stafi
do të punojnë në mënyrë intensive, për t’ju përgjigjur 1500 pyetjeve që
janë kompetence e ministrisë së ekonomisë.

“Janë 8 kapituj të cilat përbëjnë rreth 30% të totalit të punës që ne
duhet të bëjmë. Janë 1500 pyetje të cilat në total kërkojnë rreth 450
përgjigje”, tha Prifti përpara drejtuesve të ministrisë.

Prifti e cilësoi prioritet mbi prioritetet përgatitjen e këtyre
përgjigjeve, pasi sipas tij integrimi është objektiv kryesorë i kësaj
qeverie.

Janë një sërë detyrimesh që ministria duhet të ndërmarrë në drejtim të
ekonomisë, sektorit të energjisë apo industrisë për të plotësuar
kriteret ekonomike, të cilat konsiderohen si më të rëndësishme pas
atyre politike, në mënyrë që KE të përgatisë një opinion pozitiv për
Shqipërinë.

nga *lissa* Fri Dec 18, 2009 10:46 am

Maqedoni: 37% e qytetarëve janë për ndryshimin e emrit

Sipas një ankete të realizuar nga Qendra Nacionale për
Integrime 37 për qind e qytetarëve të Maqedonisë janë shprehur pro
ndryshimit të emrit, nëse ruhet identiteti dhe gjuha maqedonase.

Në pyetjen “A pajtoheni për ndryshimin e emrit kushtetues, me kushtin
që të ruhet identiteti dhe gjuha maqedonase”, 51 për qind e qytetarëve
janë shprehur kundër, 37 për qind pro, ndërsa 12 për qind janë
përgjigjur me “nuk e di”.

Sipas anketës të realizuar me datë 12 dhe 13 dhjetor , në Maqedoni
akoma mbizotëron një mbështetje për integrimin e vendit në NATO dhe
Bashkim Evropian.

Me këtë anketë është matur edhe rejtingu u partive politike në
Maqedoni. Sipas këtij hulumtimi partia kryesore në pushtet posedon 19
për qind të mbështetjes së qytetarëve, LSDM 13 për qind, BDI 7 për
qind, PDSH 4 për qind, ndërsa 1,5 Të Bashkuarit për Maqedoninë. Anketa
është realizuar me 1.100 respondentë.

nga *lissa* Thu Dec 31, 2009 8:30 am

Rafet Elmazi jep dorëheqja nga PDSH-ja

Refet Elmazi, njëri ndër bashkëpunëtorët më të afërt të
kryetarit të Partisë Demokratike Shqiptare (PDSH) Menduh Thaçi, ka
dhënë dorëheqje nga të gjitha postet partiake.

Rajon - Faqe 2 F.1231145353265_m

Dorëheqjen e vet Elmazi ia ka dorëzuar kryetarit të partisë, Menduh Thaçi, i cili ka pranuar menjëherë dorëheqjen e Elmazit.

Informacionin e ka konfirmuar edhe zëdhënësi I PDSH-së, Adriatik Imeri.
“Dorëheqja e Elmzait është për shkaqe personale“, deklaroi për
„zhurnal“ zëdhënësi Imeri, duke refuzuar të njoftojë nëse Elmazi
tërhiqet nga politika aktive, ose do të transferohet në ndonjë subjekt
tjetër politik.

Elmazi ishte ish-zëvendës ministër i Mbrojtjes dhe i Punëve të
Brendshme. Ai po ashtu njihet si organizatori kryesor i bazës partiake.

nga *lissa* Thu Dec 31, 2009 8:32 am

Bashkëpunim policor Spanjë-Shqipëri

Zv/drejtori i Përgjithshëm i Policisë së Shtetit për
Hetimin e Krimit, Agron Kuliçaj ka zhvilluar një takim pune me
Drejtorin e Përgjithshëm të Policisë dhe Guardia Civil të Spanjës,
Francisco Javier Velazquez Lopez.

Gjatë takimit të zhvilluar me autoritetet e larta policore të të dy
vendeve e vlerësuan bashkëpunimin e deritanishëm ndërmjet strukturave
policore shqiptare dhe spanjolle si mjaft rezultativ, si dhe ranë
dakord për intensifikimin e mëtejshëm të këtij bashkëpunimi veçanërisht
në luftën kundër krimit të organizuar dhe terrorizmit.

Po ashtu në fokus të këtij takimi dhe të bisedës së zhvilluar ishte dhe
rritja e mëtejshme e shkëmbimit të informacionit ndërmjet ekspertëve
policorë të të dy vendeve, si faktor mjaft i rëndësishëm në goditjen e
eksponentëve të krimit.

Ndërkohë bazuar në marrëveshjen e përbashkët, tashmë të ratifikuar, për
bashkëpunimin ndërmjet palëve për luftën kundër krimit të organizuar,
Kuliçaj dhe Lopez ranë dakord për hartimin dhe vënien në zbatim të një
plani veprimi të përbashkët ndërmjet strukturave policore të të dy
vendeve për goditjen e krimit të organizuar.

Dy zyrtarët e rendit shprehën bindjen se intensifikimi i bashkëpunimit
policor si në nivel ekspertësh, ashtu dhe në nivel operacional do ti
shërbejë më së miri strukturave policore të të dy vendeve për rritjen e
mëtejshme të efikasitetit në goditjen e krimit të organizuar dhe
terrorizmit.

nga *lissa* Thu Dec 31, 2009 8:33 am

Maqedoni: MPB thirrje qytetarëve: Kujdes gjatë festave!

Ministria e Punëve të Brendshme e Maqedonisë apeloi
qytetarët që të përmbahen nga konsumimi i tepërt i alkoolit, të
shmangin përdorimin e fishekzjarrëve, dhe mjeteve tjera pirotektike.

Këto rekomandime jo vetëm për shkak të sanksioneve ligjore, por për
shkak të rrezikut për shëndetin dhe sigurinë e qytetarëve, si dhe dëmet
material të cilat mund të shkaktohen, thuhet në apelin.

Nga MPB-ja përkujtojnë se do ta sanksionojnë çdo përdorim të armëve dhe
apelojnë qytetarët që t’i shmangen mënyrës së tillë të kremtimit për
shkak të mundësisë që ato të shndërrohen në tragjedi individuale.

Në fund të kumtesës së MPB-së paralajmërojnë për qarkullim të zmadhuar
në komunikacion, me ngecje të mundshme prandaj qytetarëve u
rekomandohet të jenë të durueshëm dhe tolerantë.

nga *lissa* Wed Jan 06, 2010 5:47 am

Festat, Qeveria shfuqizon ligjin për shtyrjen e ditëve të pushimit

Janë 13 festat kombëtare, por që prej janarit të 2010-s,
nëse këto ditë përkojnë me fundjavën, nuk do të ketë më shtyrje të
ditëve të pushimit për administratën.

Në një vendim të mbledhjes së fundit të 2009, qeveria ka shfuqizuar
rregullin e vendosur nga qeveria Nano në 2004, që i dhuronte
administratës disa ditë më shumë pushimi.
Amendamenti u miratua në 29 dhjetor në parlament, në të njëjtën ditë
që kaloi dhe në qeveri. Ndërkohë që do të marrë formë të prerë 15 ditë
pas botimit në fletoren zyrtare.
Megjithatë pushimet e fillimvitit për administratën ju përcaktuan
sipas ligjit të vjetër. Meqë data 2 janar ishte e shtunë, punonjësit
shtetërorë përfituan një ditë më shumë pushimi, duke u rikthyer në zyra
të martën.
I njëjti rregull do të ndiqet edhe për festat fetare, të
konsideruara si kombëtare me anë të ligjit të 1992, ligj i cili ka
ndryshuar disa herë, por vetëm për të shtuar ditët e festave. Dy festat
kombëtare, 28 dhe 29 Nëntori, në 2010 përkojnë respektivisht të shtunën
dhe të dielën, por pavarësisht kësaj, administrata do të dalë në punë
të hënën.
8 dhjetori, ishte data e fundit e përcaktuar si pushim në kalendarin
festiv shqiptar, e miratuar me të njëjtën ditë me vendimin për të
reduktuar pushimet. /alsat/

nga *lissa* Wed Jan 06, 2010 5:48 am

Pozita e shqiptarëve në Maqedoni duhet avancohet

Kreu i Partisë Demokratike Shqiptare, Menduh Thaçi, të
martën pati një takim me liderin e Aleancës për Ardhmërinë e Kosovës,
Ramush Haradinaj. Në takimin e përbashkët, dy liderët partiak biseduan
për avancimin e pozitës së shqiptarëve të Maqedonisë, për krizën
ekonomike dhe për procesin eurointegrues.

“Bashkëbiseduam për shumë tema, unë i shpreha brengosjet tona për
bllokimin e proceseve integruese që i ndodhin Maqedonisë, për krizën
ekonomike e cila vepron në Maqedoni, bashkërisht u pajtuam se dialogu i
vërtetë është mënyra e vetme apo rruga për ti zgjidh këto
mosmarrëveshje”, deklaroi lideri i PDSH-së, Menduh Thaçi.
Ndërkaq, lideri i AAK-së, Ramush Haradinaj i vlerësoi si të mira
marrëdhëniet mes Maqedonisë dhe Kosovës. “Ne nga Kosova i dëshirojmë
suksese Maqedonisë qytetarëve të saj, dhe jemi të gëzuar për
marrëdhëniet që kanë ecur mes dy vendeve por natyrshëm presim që të
përmirësohet pozita e qytetarëve të këtij vendi se pse është interesi
ynë, jemi fqinjë”, tha Haradinaj.
Menduh Thaçi tha se në rrjedhë e sipër është freskimi i partisë së
tij me kuadro të reja dhe profesionale. Ai ka vërtetuar dorëheqjen e
Refet Elmazit nga postet e larta që ka ushtruar në parti. Porse ai
akoma mbetet anëtar i PDSH-së. "Lëshimi i posteve është një shembull i
mirë për reformë dhe për hapje dyer të angazhimit të njerëzve të rinj
dhe moshave të reja”, deklaroi Thaçi. /INA/

nga *lissa* Wed Jan 06, 2010 5:49 am

Pyetësori i BE-së, në pritje të dialogut

Qeveria shqiptare ka vënë si afat muajin shkurt për
dorëzimin në Bruksel të pyetësorit të BE-së për statusin e vendit
kandidat, por sipas të gjitha gjasave, dokumenti do të presë edhe mesin
e marsit, kur dhe tentohet një zhbllokim i krizës politike në vend.

Kjo sepse pyetësori do të mbetet i paplotësuar në kapitullin politik
të tij, ku flitet për reformat strukturore bazë, siç janë ato në
drejtësi, ku Shqipëria nuk ka miratuar ligjet kryesore të gjyqësorit,
pasi mungon numri i 84 votave. Burime në Ministrinë e Integrimit bëjnë
të ditur se gjithçka po ecën me ritme të shpejta për të përfunduar
përgjigjet dhe përkthimin e 2280 pyetjeve në materialin voluminoz prej
384 faqesh.
Sot pritet të zhvillohet mbledhja e radhës e Komitetit Ndërministror
të Integrimit për të verifikuar punën e kryer nga institucionet e
ngarkuara për të përmbyllur plotësimin e dokumentit bazë që aktualisht
ka Shqipëria me Bashkimin Evropian. Ministrja e Integrimit Majlinda
Bregu pritet të dalë para mediave të enjten për tu përgjigjur lidhur me
procesin.
Pyetësori përmban pyetje të ndara në 33 kapituj të acquis comunitare
(ose thënë ndryshe kriteret e BE-së), një kapitull për kriterin politik
dhe një për kriterin ekonomik si pjesë e kritereve të Kopenhagës. /TCH/

nga *lissa* Wed Jan 06, 2010 5:50 am

Shira të shumtë gjatë orëve të fundit në Shkodër

Shirat të shumtë kanë rënë gjatë gjithë natës në Qarkun e Shkodrës, duke e përkeqësuar më tej situatën e përmbytjeve.

Niveli i ujit në zonat e përmbytura është rritur më tej, duke e
rënduar situatën. Ndërkohë, gjatë natës rreth 80 familje janë evakuuar
nga komuna Dajç.
Gjithashtu, autoritetet kanë shpërndarë ndihma në familjet e prekura
nga përmbytja. Ndërkohë, argjinaturat në komunën e Dajçit janë dëmtuar
sërish. /gazeta start/

nga *lissa* Wed Jan 06, 2010 5:51 am

Mali i Zi: Gjendje e rënduar në fshatrat në kufi me Shqipërinë

Reshje të shumta dhe hapja e portave të hidrocentraleve
në Shqipëri kanë rënduar situatën edhe në disa fshatra kufirate me
Malin e Zi e veçmas ato në bregun e lumit Buna.

Kryetari i Ulqinit, Gëzim Hajdinaga ka ngritur shtabin e emergjencës
për situata të jashtëzakonshme, për t'u ardhur në ndihmë banorëve të
prekur nga kjo fatkeqësi natyrore.
Sipas tij në disa fshatra situata është e rëndë: “Është mjaft
situatë e vështirë, pa ndonjë alarmim që është gjendja tepër tepër e
rrezikshme, por vërtet ka përmbytje të mëdha në disa shtëpi. Tani
menjëherë nga këtu do të shkoj në Lisna Borë, ku kemi informacion se në
disa vende uji ka kapërcyer edhe bendin. Të shohim në terren se si
është situata konkrete në përgjithësi”.
Hajdinaga thotë se është në kontakt të vazhdueshëm me kolegët e tij
në Shkodër: “Presim që të na informojnë se në cilat momente dhe në
cilat kapacitete janë të detyruar që të lirojnë akumulimet e veta që
kanë”, tha ai. /DW/

nga *lissa* Wed Jan 06, 2010 5:53 am

18 mijë emigrantë largohen nga Shqipëria brenda 24 orëve

Nëpër pikat kufitare të vendit vazhdon ende që të jetë
një fluks i lartë i daljes së emigrantëve shqiptarë, të cilët iu
drejtohen vendeve fqinje pas festave të fundvitit kaluar pranë
familjeve të tyre në Shqipëri.

Lajmi konfirmohet nga Departamenti i Kufirit dhe Migracionit sipas
të cilit vetëm gjatë 24 orëve të fundit ky fluks lëvizje në të gjitha
pikat e kalimit kufitar ka rezultuar të jetë 18.438 persona.
Sipas tij, gjatë 3 ditëve të fundit vihet re një rritje e fluksit të
lëvizjes në dalje, i cili pritet të bjerë në ditët e ardhshme, sa më
shumë që largohemi në kohë nga festat e fundvitit.
Por jo i pakët ka qenë edhe numri i personave të huaj që kanë hyrë
dhe kanë dalë nga territori i vendit tonë me rastin e festave të
fundvitit.
Kështu, në 24 orët e fundit numërohen 1961 të huaj që kanë hyrë në
tokën shqiptare dhe 3007 që kanë dalë prej saj, duke treguar se të
shumtë kanë qenë ata që kanë preferuar Shqipërinë për të kaluar festat.
/NOA/

nga *lissa* Wed Jan 06, 2010 5:57 am

BDI koalicion me DR-në

Nëse në gjashtë muajt e ardhshme nuk zgjidhet çështja e
emrit me Greqinë dhe me këtë të zhbllokohet rruga e Maqedonisë për të
hyrë në Bashkimin Evropian, Maqedonia do të futet në zgjedhje të
parakohshme.

Duke e pasur parasysh këtë situatë, partitë shqiptare kanë filluar
të mendojnë për të gjitha modalitetet si do të prezantohen në këtë
situatë. Burime të besueshme të gazetës “Lajm” kanë pohuar se kryetari
i BDI-së Ali Ahmeti dhe ai i DR-së, Imer Selmani kanë arritur
marrëveshje për të dalë në zgjedhjet e ardhshme së bashku.
Bisedat për koalicionin BDI-DR janë bërë tre ditë para Kongresit të
BDI-së që u mbajt në Shkup, me çka janë caktuar edhe pikat kryesore të
këtij koalicioni.
Ali Ahmeti i ka premtuar Imer Selmanit tre deputetë të sigurt edhe
atë nga një prej tre zonave kryesore. Vetë kryetari i DR-së, Selmani do
të jetë bartës i listës zgjedhore në njësinë numër 1 që përfshinë
gjysmën e qytetit të Shkupit dhe komplet rajonin e Dërvenit.
Në zonën zgjedhore numër dy, DR do të ketë kandidatin e saj të
renditur me numrin 4 që është vend i sigurt për partitë shqiptare. Në
këtë njësi zgjedhore e cila përfshin pjesën lindore të Shkupit, komplet
rajonin e Karadakut dhe Kumanovën sipas të gjitha gjasave, kandidat i
DR-së do të jetë deputeti aktual, Abedin Zymberi.
Deputeti i tretë i sigurt i DR-së, do të jetë në zonën numër 6, që
përfshin Tetovën Gostivarin, Dibrën dhe një pjesë të Kërçovës. Kandidat
potencial është Sulejman Rushiti i renditur në pozitën e katërt të
listës zgjedhore të përbashkët me BDI-në.
Një opsion i dytë që mund të ndodhë nëse Maqedonia nuk e respekton
afatin kohor prej gjashtë muajsh nga BE-ja, është formimi i një qeverie
teknike. Kjo qeveri do të formohet nga VMRO-DPMNE dhe LSDM dhe BDI e DR
nga partitë shqiptare.
Rrëzimi i Gruevskit do të vijë si rezultat i mosbesimit që
fillimisht do ta ketë nga BDI-ja, pastaj nga partia e Boshkovskit dhe
disa parti tjera të vogla që janë në ekzekutiv. Asnjëra prej partive
politike nuk i ka pohuar këto deklarata duke vlerësuar se është ende
herët që të mendohet për zgjedhjet.
Afërsia e Imer Selmanit dhe Ali Ahmetit është vërejtur edhe në
mbajtjen e dy Kongreseve zgjedhore, atë të DR-së dhe të BDI-së, kur dy
kryetarët nderuan njëri tjetrin me pjesëmarrje në Kongres. /lajmpress/

nga *lissa* Sat Jan 23, 2010 6:46 am

Grabitet filiali i “Postave të Maqedonisë” në Ohër

Rajon - Faqe 2 F.0123133239883_m

Një
grabitës i panjohur i armatosur të shtunën në mëngjes e grabiti
filialin e Postave të Maqedonisë në Ohër, që ndodhet menjëherë pas
marketit "Maksi D" tek gjimnazi.Sipas informacioneve
paraprake grabitësi menjëherë pas hapjes së postës hyri brenda dhe iu
kanos me armë të punësuarve, i grabiti 51.000 denarë dhe më pas u
largua.
Ekipi i Sektorit të Punëve të Brendshme nga Ohri është në vendin e
ngjarjes dhe po bën ekspertizën dhe bisedën informative me të
punësuarit dhe me dëshmitarët okularë eventualë.
Posta fillon punën në orën 7:00, ndërsa grabitja u krye pak minuta pas hapjes së saj, rreth orës 7:10 minuta. /mia/

nga *lissa* Sat Jan 23, 2010 6:47 am

Durrës, 15 kg kanabis në port, dy në pranga

Rreth
15 kg lëndë narkotike e fshehur në dyert e një automjeti është
sekuestruar nga shërbimet antidrogë të policisë së Portit të Durrësit
në një automjet që priste të ankorohej në tragetin e linjës
Durrës-Bari. Policia prangosi dy persona si korrierë të drogës.
Të
njëjtat burime bënë të ditur se operacioni ka nisur fill pas një
telefonate në sallën operative të drejtorisë së kufirit dhe
emigracionit në Durrës që ka sinjalizuar për lëndë narkotike në
automjetin tip fiat me targa te huaja. Në kontrollin e ushtruar policia
gjeti sasinë prej 15 kg lëndë narkotike te fshehur në hapësirën e
dyerve të makinës, ndërsa droga ishte mbështjellë me letër natriban.
Droga e cila është dërguar në laboratorë për tu përcaktuar lloji,
pasi dyshohet për kanabis kishte për destinacion Italinë, dhe do të
çohej ne shtetin fqinj nga 2 kushërinjtë Flamur Xeka 32 vjeç dhe
Shkëlqim Xekla 27 vjeç.
Dy te arrestuarit janë nga Mamurrasi dhe prej vitesh mësohet se janë
rezident në Itali. Ata akuzohen për posedim dhe trafik të lëndëve
narkotike ndërsa po hetohet për implikimin e personave të tjerë në këtë
trafik, gjetjen e vendit të furnizimit të drogës dhe destinacioni
përfundimtar. /shekulli/

nga *lissa* Sat Jan 23, 2010 6:47 am

Ngricat krijojnë probleme në verilindje të Shqipërisë

Rajon - Faqe 2 F.0123133748834_m

Ngricat
që kanë përfshirë zonat verilindore dhe juglindore të Shqipërisë, kanë
krijuar probleme në qarkullimin e automjeteve. Gjatë ditës së premte në
këto zona pati reshje bore, ndërsa të shtunën temperaturat kanë zbritur
nën zero, duke shkaktuar akull nëpër rrugë. "Vetëm në
segmentin Shëmri -Qafë Shllak po përdorim një borëpastruese, pasi në
akset e tjera rrugore është akulli që ka vështirësuar lëvizjen e
mjeteve", tha drejtori i ndërmarrjes rajonale të Mirëmbajtjes së
Rrugëve, Rushit Gashi, duke shtuar se për këtë arsye për mbajtjen hapur
të akseve rrugore po punohet kryesisht përmes hedhjes së skories e
kripës.
Sipas Gashit, është hedhur disa herë kripë në segmentin e
autostradës Kukës-Morin, 4 kamionë me kripë janë hedhur në segmentin
Kukës - Qafë Shllak, dhe nga 2 kamionë me kripë në segmentet Kukës -
Nangë, Kukës - Krumë etj.
Kripë është hedhur edhe në rrugët kryesore të qytetit për shkak të
akullit të krijuar. "Hedhja e kripës në rrugët kryesore do të vazhdojë
gjatë gjithë ditës së sotme për shkak të temperaturave mjaft të ulëta
që krijojnë shtresë akulli në trasetë e rrugës", shtoi Gashi.
Ndërkohë, në akset kryesore rrugore janë përforcuar postblloqet e
Policisë, të cilat nuk lejojnë lëvizjen e mjeteve pa zinxhirë, ndonëse
deri tani të gjitha akset rrugore nacionale konsiderohen të kalueshme.
"Pavarësisht situatës së krijuar, deri tani nuk kemi patur bllokim të
aksit kryesor rrugor që lidh Shqipërinë me Kosovën, as ndonjë rast
aksidenti". bëjnë të ditur burime zyrtare të Policisë lokale.
Ndonëse trashësia e borës nuk i kalon të 20 centimetrat, si
rrjedhojë e shtresave të akullit, të bllokuara janë komunat e Grykë
Cajës, Zapodit, Kalisit dhe Arrnit në rrethin e Kukësit, akset rrugore
të të cilave menaxhohen nga ndërmarrja e mirëmbajtjes së rrugëve rurale
dhe komunat. Edhe në aksin Korçë-Pogradec, situata është e njëjtë, ku
rruga kalohet vetëm me zinxhir. /gazet start/

nga *lissa* Sat Jan 23, 2010 6:48 am

Përmbytjet, fronti i ri i Ushtrisë shqiptare

Ushtria
shqiptare mbajti pjesën kryesore në operacionet nga përmbytjet në veri
të vendit. Më shumë se 900 ushtarë dhe oficerë prej tyre ishin të
angazhuar çdo ditë në terren.
Ministri i Mbrojtjes, Arben
Imami shprehet se, u angazhuan nga të gjitha forcat, ato tokësore,
detare dhe ajrore që evakuuan disa mijëra njerëz, ndërsa u paketuan dhe
u shpërndanë rreth 600 tonë ushqime dhe qindra tonë të tjera ujë.
Por përmbytjet kanë pasur një kosto të lartë, pasi vetëm për
lëvizjet e ushtrisë ka një faturë karburanti prej afërsisht 90 milionë
lekë në ditë, më shume se një miliard lekë në total. “Nga një
llogaritje e parë që kemi bërë na rezulton se janë shpenzuar 90 milionë
lekë në ditë vetëm karburant”, u shpreh Imami.
Por ndërsa u përfshi në menaxhimin e situatës, në janar për herë të
parë fillonte edhe vënia në funksion të plotë ligjor të ushtrisë me
pagesë. Por në Ushtrinë shqiptare ka ende 800 vende të reja, të cilat
për momentin janë të plotësuar me rekrutët e fundit të thirrur në
vjeshtën e vitit të shkuar.
Kreu i Ministrisë së Mbrojtjes, Imami tha se për ushtarët
profesionistë po hartohet një strategji e cila shtrihet në një kohë 10
vjeçare të punësimit. /TCH/

nga *lissa* Sat Jan 23, 2010 6:48 am

Shqipëria “nën zero”, i ftohti prezent dhe në javën e ardhshme

Temperaturat
e ulëta nën zero të kësaj jave, do të jenë prezentë në territorin e
Shqipërisë, edhe në javën që do të vijë. Meteorologët, parashikojnë një
mot të kthjellët, por të ftohtë, kryesisht në mëngjeset e ditëve në
vijim, ku termometri do të shënojë vlera nën zero gradë celsius. Pra,
muaji janar sipas meteorologëve pritet të mbyllet me ditë të
kthjellëta, por të ftohta.
"Dita e sotme ka shënuar
temperatura minimale nën zero gradë në të gjithë territorin e
Shqipërisë. Mund të themi që dhe e diela pritet të jetë në këto vlera.
Përsa i përket javës në vazhdim pritet që të nise deri në tre ditët e
para të saj kryesisht me dominim kthjellimesh dhe vranësirash kalimtare
por që temperaturat do të rinisin të rriten. Kjo rritje në fakt do të
jetë jo shumë e ndjeshme, 1 deri në 2 gradë", thotë Lajda Porja,
meteorologe.
Përsa i përket reshjeve, ato do të jenë në formën e borës në javën
që vjen, por meteorologët thonë se ato nuk do të jenë problematike, për
bllokimin e rrugëve. "Në pjesën e dytë të javës pritet të ketë reshje
dëbore po që do të jenë me intensitete shumë të dobëta, dhe do të jenë
të përqendruara vetëm në zonat malore", shprehet Porja.
Meteorologët thonë se në ditët e ftohta të fundit të janarit, era
nuk do të jetë problematike, duke bërë që detet të jenë të qetë, e për
qarkullimin detar të mos ketë probleme. /alsat/

nga Sponsored content